Ini ngarannya buras. Bisa jua disambat lapat.
Biasa dijual di warung-warung teh di perkampungan di seputaran Kalimantah Selatan.
Makanan baisukan ini biasanya bajejer dengan pundut dan nasi kuning.
Ukurannya ada nang halus ada nang taganal. Di daerah Pekapuran Banjarmasin, ukurannya kecil, harganya Rp2500 per bigi.
Di Pemurus ukurannya sedang sampai ganal banar. Setangkup (2 bigi) Rp6000. Nang lebih ganal Rp8000. Boleh sebelah (sabigi) haja.
“Manggah mahabisakan sabuting nang ganal ne, apalagi satangkup. Bisa masuk rumah sakit,” ujar kai di Pemurus, Kamis (14/9/2023)
Makan buras ada sambalnya. Mun kada basambal kada nyaman. Sambalnya bisa dibuat dari kacang atau biji kaminting. Sambal dari kaminting nang baminyak lebih maundang salira.
Bubuhan pian katuju nang mana? JL
